Kulan ku saabsan isdhexgalka bulshada oo uu soo qaban qaabiyay maamulka Degmada Warshiikh ayaa lagu soo gabo gabeeyay magaalasi, kaasi oo ay k qeyb galeen qeybaha kala duwan ee bulshada.
Kulanka isdhexgalka bulshada ayaa ahaa mid lagu xoojinayay shir dib u heshiisiin ah oo loo qabtay boqol qof oo ka socdey beelihii hore colaadda ugu dhex martay degaanka Warshiikh, waxana ujeedkiisu ahaa in shacabka degmada iyo tuulooyinka hoos yimaada ku dhaqan ay uga qeyb qaadan lahaayeen horumarka degmada.
Qaar ka mid ah dadkii ka hadlay xafladdii lagu soo gabo gabeynayay kulanka isdhexgalka ah ayaa waxa ay maamulka degmada uga mahadceliyeen qabsoomidda kulanka lagu xoojiyo dib u heshiisiinta dhawaan halkaasi ka dhacday, isla markaana ay shacabka ka wada shaqeeyaan isdhexlgal bulsho.
Gudoomiyaha degmeda Warshiikh Mudane Axmad Xuseen Axmed ayaa ku booriyay bulshada degmada iyo deegaannada kale ee ku xeeran iny ka qeyb qaataan sugidda amniga oo ay ka hortagan cidkasta oo falal amni darro ah abuureysa.
“Kulankan ku saabsan isdhexgalka bulsahda waxa uu soo socdey mudo 9 cisho ah, laga soo bilaabo 3-dii November iyo 12kii bishan, runtii farxad ayay noo tahay in bulshada qeybaheeda aan isu keeno oo aan u qabo kulan ay uga wada hadlayaan horumarinta iyo aayaha degmada, waana bogaadinayaa intii ka soo qeyb gashay” ayuu yiri Guddoomiyaha Degmada Warshiikh.
Guddoomiyihu wuxuu halkaas shahaadooyin ku gudoonsiiyey qaar ka mid ah dadkii ka qaybgalay kulanka isdhexgalka bulshada.
