Kulankaan oo loogu magac daray dhaqanka iyo dhalinyarada ayaa waxaa lagu iftiiminayay fursadaha dhalinyarada uga banaan ka qeybgalka siyaasadda iyo in la abuuro jawi isfahan ah oo lagu muujin karo doorka dhalinyarada iyo kaalmaha ay ka qaadan karaan.
kulaan waxaa qeyb-ka ahaa masuuliyiin heer maamul goboleeda iyo dowladda dhexe,odoyaal dhaqameedyo,salaadiin iyo aqoonyahanno waxaana gogol xaar uu u ahaa sidii dhalinyarada waxbaratay ay uheli lahaayeen furado si ay qeyb-uga noqdaan hanaanka hormarka dalka uu wajihi doono.
Cabaas Maxamed Nuur oo ka mid ahaa dhalinyarada aqoonyanadda oo shirka qeyb-ka ahaa ayaa ku booriyay odoyaasha dhaqanka in kor loo qaado fursadaha dhalinyarada wax baratay maadaama ay boqolkiiba 75 % ay yihiin bulshada Soomaaliyeed waxaa kale uu soo jeediyay in la joogteeyo kulamada noocaan oo kale ah.
“Waxaan bogaadineynaa in kulan noocaan ah oo inta bulshada ay ka kooban sida dhaqanka , dhalinyarada iyo haweenka ay isagu yimaadaan sidaa dalkaan loo hirmarin lahaa iyadoo lays kaashanayo waxaane leenahay hala joogteeyo ayuu yiri aqoonyahan Cabaas Maxamed Nuur.
Wasiirka Amniga Hirshabeelle Maxamed Kheyre oo kulanka ka qeyb-galay ayaa muujiyay in dhalinyarada oo loo abuuro fursad ay kusoo bandhigaan awoodooda taasi oo wax badan ka badali karta isbadalada Ummadeed.
Ugaas Cabdiraxmaan Ugaas Cabdulaahi ayaa sheegay inay dhaqanka garab taaganyihiin dhalinyarada iyadoo mudnaanta lasiinayo kuwa waxbartay ee ubaahan inay dalkooda u adeegaan.
