Kulan lagu bogaadinayey guulaha ay gaareen ciidamada xoogga dalka iyo jabka ay u geysteen maleeshiyada Al-Shabaab ayaa lagu qabtay magaalada Xudur ee xarunta Gobalka Bakool.
Odayaasha dhaqanka, Waxgaradka, Culimaa’udiinka iyo haweenka ayaa ka qeybgalay kulankaan lagu dhiiragelinayey howlgallada ciidamada xoogga dalka gaar ahaan guutada 9 aad qeybta 60 aad ee gobolka Bakool ay ka wadaan deegaannada Xudur hoostaga, kuwaasi oo maleeshiyada Al-Shabaab uga sifeynaya deegaannada ay ku dhuumaaleysanayaan argagixisadu.
Kulankaan oo lagu qabtay bartamaha magaalada Xudur waxa loogu mahadceliyey Taliyaha guutada 9 aad ee gobolka Bakool iyo saraakiishiisa, waxayna hogaanka sare ee ciidanka xoogga dalka Soomaaliya u soo jeediyeen in ciidamada hogaan looga dhigo dhallinyarada wax baratay oo howlkarka.
Odayaasha dhaqanka ee kulanka soo abaabuley ayaa wacad kumaray in ay hiil iyo hooba la garab taaganyihiin ciidamada, isla markaana wadashaqeyn fiican ay kala dhaxayso.
