Isbedelka cimilada Waxaa lagu tiriyaa mid kamid ah dhibaatooyinka waaweyn ee dunida ka jira qarnigaan, Soomaaliya oo kamid ah dalalka soo koraya ee u nugul qatartaan ayaana hadda ka shaqeeneysa ansixinta Siyadadda qaran ee Isbedelka Cimilada oo ay soo diyaariyeyn Agaasinka deegaanka iyo isbadalka cimilada ee xafiiska Ra’iisul wasaaraha Soomaaliya.
Xildhibaano ka tirsan Gollaha shacabka, wasiiradda Deegaanka ee maamul goboleedyadda, maamulka Gobolka Benaadir iyo qeybaha kala duwan ee Bulshadda rayidka ayaa ka qeyb galay shirkaan oo lagu lafa gurayey siyaasadda qaran ee Isbeddelka cimilada, iyadoona ka qeyb galayaashu isweydaarsadeen figrado kala duwan.
Agaasimaha guud ee Agaasinka Deegaanka iyo isbedelka cimilada ee xafiiska Ra’isul wasaaraha Soomaaliya Axmed Yusuf Axmed oo daah furay shirka ayaa sheegay in Fatahaadaha iyo Abaaraha ka dhacay qaar ka mida gobolada dalka ay sabab u yihiin Isbedelka cimalada, isala markaana loo baahanyahay in laga wada shaqeeyo sidii meel looga soo wada jeesan lahaa yareynta iyo ka hortagga dhibaatooyinka laga dhaxlo isbadalka cimilda oo ay dunida oo dhan dagaal kula jirto.
Xildhibaan Zakariye Maxamuud Xaaji Cabdi, guddoomiye ku xigeenka arimaha bulshada ee Gobolka Banaadir Basma Caamir Jakeeti iyo Wasiirka deegaanka ee Koonfur galbeed Cali Isaaq Cumar ayaa xusay Inuu shrikan muhiim u yahay bulshada Soomaaliyeed, loona baahanyahay in laga wada shaqeeyo ka hortagga dhibaatooyinka ay sababaan Isbadalka cimilada.
