Kulanka waxaa goob joog ka ahaa saraakiil ka socatay hay’adaha samafalka, Mas’uuliyiin ka tirsan Galmudug xubno ka socday maamulada deegaanada ay abaaruhu ku dhufteen waxaana kulanka intii uu socday lagu soo gudbiyay warbxino la xariira guud ahaan deegaanada Galmudug heerka ay gaarsiisan tahay xadiga abaaraha ka jira taas oo lagu qiimeeyay qiyaas ahaan boqalkiiba 80% in abaartu ay sameeysay deegaanada Galmudug sidoo kalana abaartu ay taabatay in ka badan laba boqal oo kun oo qoys kuwaas oo ubadan xoolo dhaqato.
Kulanka oo saacado qaatay ayaa markii uusoo idlaaday waxaa warbaahinta la wadaagay waxyaabihii kasoo baxay Guddoomiyaha Gobalka Mudug Cabdiraxmaan Cali Diiriye Isxal Guddoomiye ku xigeenka Degmada Gaalkacyo Injineer Maxamed Cabdi Cilmi Agaasimaha Guud ee Wasaaradda Gar gaarka Galmudug Cumar Xasan Xaaji iyo Wasiirka Wasaaradda Xanaanada xoolaha Galmudug Maxamed Cabdi Maxamed kuwaas oo dhamaantood xusay in kulanka uu kusoo dhamaaday sidii loogu tala galay.
