Kulankan ayaa lagu qabtay Xarunta Dowlada hoose ee magaalada Dhuusamareeb waxaana soo qaban qaabiyey Maamulka Caasimada Galmudug waxa uuna ahaa Dardargalinta Ololaha Bilic-soocelinta magaalada kaas oo Todobaadyadii la soo dhaafay u socday si habsami leh.
Waxaa munaasabada ka soo Qaybgalay maamulka magaalada Dhuusamareeb, wasiiro, xildhibaano, guddiyada xaafadaha iyo bulshada magaalada waxaana looga hadlay sidii loo sii wadi lahaa howlaha isugu jira dhismaha jidadka iyo bilic soo celinta magaalada.
Gudoomiyaha magaalada Dhuusamareeb macalin C/raxmaan Geeda-qorow ayaa ugu horayn ka hadlay madasha waxa uuna faah faahin ka bixiyey Shaqooyinka ka socda magaalada bilic soo celintuna Qayb ka tahay.
Wasiirka Wasaarada Waxbarashada Galmudug Maxamed Xaashi Dhoore ayaa dhankiisa balan qaaday in Wasaaradu Kaalin ku yeelanayso Hoshan Shaqaalaha Wasaaraduna ka Qayb qaadan doonaa.
Howlahan ka socda Magaalada Dhuusamareeb ayaa si wada jira waxaa isaga kaashanaya maamulka iyo Bulshada iyadoona hada Meel Wanaagsan ay marayso.
