Duqa Degmada Gaalkacyo Mudane Cabdiraxmaan Sheekh Xasan oo ay weheliyaan Guddoomiye ku xigeenka Degmada Eng: Maxamed Cabdi Cilmi iyo Agaasimayaal ayaa ka qeyb galay kulan u dhexeeyay Maamulka Degmada , Ganacsatada iyo qeybaha bulshada oo looga hadlayay dardar gelinta Horumarka Degmada Gaalkacyo.
Qaar ka mid ah xubnaha ka socday shirkadaha gaarka loo leeyahay oo goobta ka hadlay ayaa balan qaaday ka qeyb qaadashada horumarka Degmada Gaalkacyo, iyagoo shaaciyay in ay taageeri doonaan Sanduuqa Horumarinta Degmada Gaalkacyo si loo fuliyo Mashaariicda hadda taagan.
Related posts
Duqa Dagmada Gaalkacyo Cabdiraxmaan Sheekh Xasan oo madasha ka hadlay ayaa kaga mahadceliyay ganacsatada gaar ahaan shirkadaha doorkooda wanaagsan ee ka qeybgalka Mashaariicda iyo garab istaagga Dowladda hoose ee Degmada Gaalkacyo , isagoo balan qaaday inay ka dhabayn doonaan hirgelinta Mashaariicda wax ku oolka u ah bulshada reer Gaalkacyo sida Dhismaha Wadooyinka iyo adeegyada kale ee aas aasiga u ah bulshada.
