Ujeedadu kulanka ayaa aheyd in Ardayda Soomaaliyeed ee kasoo baxay Jaamacadaha Dalka ay helaan shaqo, kuwaasoo badankood shaqo la’aan ah.
Waxaa soo qaban qaabiyey kulanka leyskaga horkeenay Ganacsatada, Jaamacadaha, Ururadda Bulshadda Rayid iyo Ardayda kasoo baxay Jaamacadaha Hay’adda Inftin Foundation taas oo ka shaqeysa sidii dhalinyaradu shaqo u heli lahaayeen ama shaqo abuur loogu sameyn lahaa.
C/laahi Maxamed Xasan Madaxa Inftin Fountdation ayaa sheegay in dooda ay qabteen ay kasoo baxday faa’iidooyin badan, iyadoo dhanka kale Masuuliyiinta ka socday Bangiyada ay sheegeen in kulankan uu muhiim ahaa isla markaana ay si fiican u darseen xaalada Ardeyda shaqo la’aanta ah, waxyaabaha ka qarsoonaana lasoo bandhigay.
Galad Xirsi Cali oo kamida Ardayda ka baxday Jaamacadaha shaqo la’aantuna heyso ayaa dhankiisa qaba in hadii leys kaashado caqabado badan laga gudbi karo.
In ka badan 11 kun oo Arday ayaa kasoo baxay Jaamacadaha dalka Sanadkii 2017 marka laga reebo Somaliland sida kucad Warbixinta ay soo saartay Hay’adda Iftin Foundation waxaana shaqo helay tiro aan ka badneyd 2 kun waana taas caqabadaha ladoonayo in laga gudbo oo xal loo helo.
