Guddoomiye ku xigeenka Degmada Gaalkacyo ee Galmudug Maxamed Cabdi Cilmi ayaa maantay shir Guddoomiyay kulan laysaga xog wareysanayay abaaraha iyo xaaladaha ka jira deegaanada hoos yimaada Degmada Gaalkacyo.
Kulanka oo inta badan ay ka soo qeyb galeen Guddoomiyaasha deegaanada iyo tuulooyinka hoos taga Degmada Gaalkacyo ayaa waxaa looga dhageystay warbixino la xariira xaalada abaaraha xiligaan adeg ka jira deegaanada ay matalaan isla markaana ay ka yimaadeen.
Guddoomiye ku xigeenka Degmada Gaalkacyo Eng Maxamed Cabdi Cilmi ayaa markii uu kulanku soo idlaaday ka warbixiyay kulanka iyo qodabadii layska warsaday waxaana uu baaq u diray Dowladda Federaaalka Soomaaliya iyo Hay’adaha samafalka taas oo ku aadan in ay gurmad deg deg ah la soo gaaraan dadka ay saameeyeen abaaraha ka jira deegaanada hoos yimaada Degmada Gaalkacyo.
