Kulan looga hadlayay adkeynta ammniga oo ka qeybgaleen Saraakiisha Hay’adaha Nabadgelyada ayaa lagu qabtay magaalada Baydhabo ee xarunta Gobolka Bay.
Kulankan ayaa loo hadlay sida ugu haboon ee lagu xoojin karo amniga magaalada, kaasi oo ay ka qeyb galeen maamulka gobolka, kan degmada iyo saraakiisha Nabadgelyada, waxaana kulanka la isku raacay in xilliyada habeenkii ah aan magaalada lagu arkin ciidan aan ahayn kuwa amniga qaabilsan
Taliyaha qeybta lixdanaad ee xoogga dalka ayaa ciidamada xoogga dalka ku armay inaysan xeryaha ka soo bixin xilliyada habeenkii ah, maadaama ciidanka booliska ay habeenkii sameynayaan roondo ay u xaqiijinayaan ammaanka magaalada, si looga hortago kuwa falalka amni darrada ah geysanaya.
Maamulka degmada iyo kan gobolka bay ayaa wada dadaallo lagu xoojinayo ammaanka magaalada, si looga hortago kooxaha falalka amni darrida wada.
