Kulankaan oo ahaa mid looga hadlayay la dagaalanka jahliga iyo
horumarinta waxbarashada caruurta soomaaliyeed sidoo kalana abaal
marino lagu gudoonsiinayay arday dhameeysatay waxbarashada dugsiga
sare ayaa lagu qabtay xarunta dugsiga hoose dhaxe iyo sare ee Al safa
ee Magaalada Galkacyo
Kulankaan oo ay ka qeyb galeen xubno ka tirsan labada aqal ee
baarlaamanka soomaaliya maamulayaasha dugsiyada sare ee galkacyo madax
ka socatay jaamacadaha dalka qaarkood aqoon yahano soomaaliyeed iyo
waalidiin ayaa waxaa ugu horeyn ka hadlay maamulaha dugsiga hoose
dhaxe iyo sare ee Al safa Sahal Maxamuud Cabdule oo sharaxaad ka
bixiyay horumarka waxbarasho
Gudoomyaha ururka dhalinyarada gobalka mudug Ceydiid Maxamed Cali oo
isna kulanka ka hadlay ayaa ka shekeeyay dhibaatadii laga soo maray in
laga gudbo fikrad qaldan oo laga aaminsanaa waxbarashada maadigaa
Xidhibaanad duniyo Maxamed Cali iyo sanatar Abuukar axmed Xaashi oo ka
hadlay gunaanadkii munaasabada ayaa ku booriyay waalidiintu in ay
xooga saaraan waxbarida caruurtan soomaaliyeed iyagoona sheegay in
dowlada fadaraalka soomaaliya ay xooga saartay la dagaalanka shaqa la
aanta dhalinyarada soomaaliyeed taasina ay fursad siineeyso
dhalinyarada waxbaratay in ay shaqo helaan
