kulankaan ay isugu imaadeen Wasaaradaha Qorsheynta ee maamul gobaleedyada iyo maamulka Gobalka Banaadir oo ay soo qaban-qaabisay Wasaaradda Qorsheynta Maalgashiga iyo Horumarinta Dhaqaalaha XFS gaar ahaan Xafiiska dhiiri-gelinta maalgashiga Qaranka ,waxaa looga hadlay Istiraatiijiyadda Maalgashiga Dalka iyo in tilmaamo guud oo fududeynayo loo sameeyo maalgashiga Soomaaliya.
Waxyaabaha ugu waa weyn ee lagu soo bandhigay waxaa kamid ahaa caqabadaha Soomaaliya ka hortaagan in ay kobac dhaqaale sameyso oo ay kamid tahay sida la tilmaamay Deymaha lagu leeyahay Soomaaliya.
Shirkaan looga tashanayo maalgashiga Qaranka ayaa muhiimada loo qabanayo waxaa ka mid ah Fursado lagu Horumarin karo dhaqaalaha Dalka Sida uu sheegay Agaasimaha Xafiiska maalgashiga ee wasaaradda Qorshenta Soomaaliya Xasan Faarax.
Qorshahaan ayaa waxaa uu kaalin weyn ka qaadanayaa kabida qorshaha guud ee Horumarinta Qaranka, kaasi oo fududeynaya Arrimaha maalgashiga.
Dhameystirka Qorshaha 9 -aad ee Horumarinta Qaranka oo ay ku howlantahay wasaaradda Qorsheynta XFS ayaa maraya heer uu ku dhowyahay gabogabo, iyaddoo la-tashiyo laga geliyay Dowlad Gobaleedyahada, Gobalka Banaadir iyo Ururada Bulshada rayidka ah.
