Kulankan oo ahaa mid loogu duceynayey dhallinyaradii Soomaaliyeed ee ku geeriyooday biyaha u dhaxeeya Masar iyo Talyaaniga oo lagu qabtay xeebta Liido ee magaalada Muqdisho, ayaa waxaa ka qeyb galay qaar ka mid ah dhallinyarada Soomaaliyeed, xubno ka tirsan bulshada rayidka iyo maamulka degmada C/casiis.
Dhallinyarada iyo dhinacyadii kale ee ka qeyb galay kulanka ayaa u duceeyey dhallinyaradii naftooda ku waayay biyaha u dhaxeeya Masara iyo Talyaaniga, dhinaca kalena waxa ay ka digeen dhibaatada Tahriibta oo ay ku baaqeen in gebi ahaanba laga waan toobo.
Guddoomiyaha degmada C/casiis Cismaan Muxudiin ayaa muujiyey in dhacdadaasi ay tahay mid ay ka wada xunyihiin Soomaalida, oo muhiim ay tahay in loo istaago sidii loo joojin lahaa tahriibka.
“Waa dhacdo naxdin leh oo qalbiyadeena aan ka go’i doonin, waa inaan u istaagnaa joojinta tahriibta”ayuu yiri guddoomiyuhu.
Faadumo Cabdi Warsame guddoomiyaha Ururka Dhallinyarada Qaranka Soomaaliyeed ayaa bogaadisay in dhallinyarada lagu dhiira geliyo muhiimadda dalka uu u leeyahay,
Qaar kamdi ah dhallinyaradii ka soo qey gashay kulanka ayaa dhallinta hadda doonaya in ay tahriibaan la dar daarmay.
“Tahriibka aan iska dhaafno, dalkeena aan joogno isagaa noo wanaagsan”
