Kulankaan oo loogu Duceynaayey Alle ha u Naxariistee Dr Maxamed Daahir Afrax Guddoomiyihii Akadeemiye- Goboleedka AfSoomaaliga – AGA oo sagaalka bishaan ku geeriyooday magaaalada Londan ayaa waxana ka qaybgalay Xildhibaanno, Bahda Qalinleyda iyo marti kale oo lagu casuumay.
Mustafa Cabdullahi Fayruus lataliyaha Guddoomiyha AGA ayaa sheegay in uu Soomaaliya ka baxay halyey wax badan ku leh taariikhda dalkeena.
Gudoomiyaha Gudiga Warfaafinta ee Barlamaanka Khaalid Macow Cabdulqaadir ayaa tilmaamay in Dalka uu waayey Barbaariye qiimo badan ku ahaa bulshada.
Xildhibaan Maxamed Cumar Dalxa ayaa ka codsaday maamulka Akadeemiyada AGA in ay halkii ka sii wadaan dadaalkii Marxuum Maxamed Daahir Afrax ee ku aadanaa horumarinta Afka Hooyo.
Ku-simaha Guddoomiyaha Akadeemiye-Goboleedka AfSoomaaliga – AGA Maryan Cariif Qaasim iyo Guddoomiyha Akadeemiyada Cilmiga, Dhaqanka. Fanka iyo Sugaanta Cabduqaadir Nuur Xuseen Maax ayaa sheegay in loo baahanyahay in loo sameeyo xusuus Taariikhda gasha.
Dr Maxamed Daahir Afrax Guddoomiyhii hore ee Akadeemiye-Goboleedka AfSoomaaliga – AGA ayaa sagaalkii bishaan ku geeriyooday Dalka Ingiriiska, isagoo dhashay sanadkii 1952dii.
