Kulanka wadatashiga ah oo ay si wada jir ah u soo qaban qaabiyeen Wasaaradda Haweenka ee Dowladda Federaalka Soomaaliya iyo Wasaaradda Haweenka Hirshabeelle laguna qabtay magaalo madaxda dowlad goboleedka Hirshabeelle ee Jowhar ayaa waxaa ka qeyb galay haween ka kala scday xaafadaha kala duwan ee magaalada Jowhar.
Kulan ayaa inta uu socday waxaa diiradda lagu saaray doorka hogaaminta Haweenka, wadajirka, hirgelinta, axdiga iyo wiliba xog aruurin ku saabsan dhibaatooyinka kala duwan ee haweenka haysta.
Kulanku markuu soo idlaaday ayaa waxaa ka hadashay Wasiiru-dowlaha Wasaaradda Haweenka iyo Xaquul Insaanka ee Dowlad Gobaleedka Hirshabeele Marwo Sacdiyo Maxamed Nuur oo tilmaamtay muhiimadda uu shirkan u leeyahay haweenka ku nool caasimadda dowlad goboleedka Hirshabeelle
Marwo Sacdiyo Maxamed Nuur ayaa kaga mahadcelisay Wasaaradda Haweenka iyo xaquuqda aadanaha ee Xukuumadda Soomaaliya dadaaladda ku aadan horumarinta Haweenka Soomaaliyeed, iyadoo xustay inay xoojin doonaan kulamada nuucaani oo kale ah.
