Kulankaan oo ay ka qeyb galeen masuuliyiin ka tirsan maamuladda Puntland iyo Galmudug saraakiil ka socatay hay’adda socdaalka Aduunka ee IOM saraakiisha ciidanka booliiska Gobalka mudug ee labada dowlad Gobaleedย iyo ururda dhalinyarada iyo haweenka Gobalka mudug ayaa lagu soo bandhigay qaabka dhismaha xarunta nabada Gobalka mudug oo ka mida dhismaha mashaariicda wadaaaga ah ee loogu tala galay xoojinta amniga iyo nabad Galyada Gobalka mudug.
Ilhaan cali goosaar oo ka mid aheyd saraakiishii ka socatay hay adda IOM ee iyadu wada qaar ka mida mashaariicda wadaagaa ayaa ugu horeyn kulanka ka hadashay iyadoona sheegtay in hay’adda IOM ay diyaar u tahay wax kasta oo qeyb ka geysan kara sii xoojinta amniga iyo nabad galayada iyadoona ka codsatay madaxdii shacabkii kulanka ka qeyb galay in ay kasii shaqeeyaan mira dhalka nabada Galkacyo sidoo kalana ay door ka qaataan amniga iyo nabad galyada guud ahaan soomaaliya.
Related posts
Gudoomiyaasha dagmada Galkacyo ee puntland iyo Galmudug Xirsi Yuusuf Barre iyo Saahid Maxamuud cali ayaa iyaguna kulanka ka hadlay iyagoo ka warbixiyay ahmiyada ay mashaariicda wadaagaa u leeyihiin nabada Gobolka waxaana ay sheegeen in mashaariicda wadaagaa ee laga wado hirgalintooda magaalada Galkacyo ay yihiin kuwo wax weyn kusoo kordhinaya amniga iyo nabad galyada maadaama ay yihiin wax la wada leeyahay isla markaana la wada ilaashanayo iyagoona xusay in ay wax weyn ka badalan yihiin mashaariicda horumarineed ee la kala leeyahay.
Kulan oo intii uu socday ay ka hadleen xubnihii matalayay ururda dhalinyarada iyo haweenka Gobalka oo iyagu si isku mid ah usoo dhaweeyay qorsha lagu xoojinayo nabad galyada ayaa waxaa gunaanadkii ka hadlay Gudoomiye ku xigeenka Gobolka mudug ee puntland Xasan C/llaahi warsame iyo gudoomiyaha Gobalka mudug ee Galmudug C/raxmaan Cali diiriye Isxal waxaana ay uga mahad celiyeen hay’adda IOM hirgalinta dhismaha xarunta nabada Gobalka mudug.
Dhismaha xarunta nabada Gobalka mudug ayaa markii u horeeysay waxaa dhagax dhigay madaxweynaha jamhuuriyada fadaraalka soomaaliya Mudane Maxamed C/llaahi Maxamed Farmaajo
W/Q Wariye C/risaaq Maxamed Axmed (cabdirisaaq Galkacyo)
