Kumaandooska Danab oo khaarijiyay Horjoogihii Jubbada hoose u qaabilsanaa Al-shabaab iyo saldhigyo la burburiyay

Ciidanka xoogga dalka gaar ahaan kumaandooska Danab ayaa howlgal ay ka fuliyeen deegaanno hoostaga gobolka Jubbada hoose waxey ku dileen Horjoogeyaal iyo maleeshiyaad ka tirsan argagaxisada Al-shabaab.

Kumaandooska Danab ayaa Howlgalka ka fuliyay degaanada Dhisheeg-waamo,Maroodi-gubow iyo Dhaay unbow oo qiyaasti 75-km u jirta magaalada Kismaayo.

Related posts

Guddoomiyaha Hay’adda SoDMA oo qaabilay Taliyaha Ciidanka Badda

September 28, 2026

Ololaha Taageerada Musharraxiinta Ururka Siyaasadeedka Talo Qaran oo lagu qabtay Degmada Guriceel

September 28, 2026

Taliyaha guutada 16-aad ee Kumaandooska Danab Gaashaanle Ismaciil Cabdi Maalik Maalin oo la hadlay Idaacadda Ciidamada qalabka Sida ayaa sheegay in Kumaandooska Soomaliya ay u daateen Saldhigyada Nabadiidka Al-shabaab ay ku lahayeen degaanno hoostaga gobolka Jubbada Hoose

Taliye Ismaciil waxa uu sheegay in ciidamada Danab ay Howlgalka ku dileen Labo Horjooge iyo 11 Maleyshiyaad ah oo ka tirsan Nabadiidka.

Taliyaha Kumaandooska Soomaaliya ayaa horjoogayaasha Howlgalka lagu dilay waxa uu Magacyadooda ku kala sheegay, Horjooge Xirow oo Nabadiidka Al-shabaab u qaabilsanaa degaanka Dhisheeg waamo, iyo Cabdi Maxamed Bashiir oo argagaxisada Al-shabaab u qaabilsanaa gobolka Jubbada Hoose.

Sidoo kale Ciidamada Kumaandooska Danab ayaa burburiyey Saldhigyada Al-shabaab ay degaanadaasi ku lahayeen.