Labo ka mid ciyaartoydii ku soo dhaawacantay qaraxii shalay ka dhacay Kismaayo ayaa la soo gaarsiiyay magaalada Muqdisho, kuwaasi oo hadda lagula tacaalayo xaaladooda caafimaad isbitaalka Erdoğan ee Muqdisho.
Dhaawacyada ayaa laga keenay magaalada Kismaayo, kadib markii Isbitaalada halkaas ku yaala wax looga qaban waayay xaaladooda, waxaana garoonka diyaaradaha caalamiga ah ee Aadan Cadde ku soo dhaweeyay mas’uuliyiin kala duwan.
Shalay ayay ahayd markii dhagar qabayaasha Al-Shabaab ay baska Cayaartooyda Kooxda JCCI ugu xireen qarax, kaasi oo sababay dhimasho iyo dhaawac soo gaaray cayaartooyda.
