Labo ka tirsan shaqaalaha Hay’adda Garsoorka ayaa loo xiray arrimo la xiriira musuq maasuq, kuwasi oo iminka lagu wareejiyay ciidamada booliska.
Guddoomiya Maxkamadda Racfaanka ee Gobolka Banaadir Abshir Cumar Cabdullaahi oo arrintan u xaqiijiyay Warbaahinta Qaranka ayaa tilmaamay in dhawaan la soo taagayo maxkamad, si loogu qaado kiisaska ay ku eedeysanyihiin ee la xiriirta musuq maasuqa.
Guddoomiyaha ayaa xusay in lala dagaalami doono shaqsi kasta oo ku kaca falal la xiriirta musuq maasuq.
Dowladda ayaa dadaal ugu jirta sidii guud ahaan loo cirib tiri lahaa musuq maasuqa.
