Lataliyaha koowaad Safaaradda Soomaaliya ee dalka Jabuuti mudane Jabriil Afyare ayaa kulan la qaatay madaxa xafiiska Qaramada Midoobay ee dalka Djibouti oo ay ka wada hadleen arrimo ay ka midyihiin xaaladda dalka iyo caawinta Qaxootiga Soomaaliyeed ee Djibouti ku nool.
Labada mas’uul ayaa waxaa ay ka wada hadleen xaaladda guud ee geeska Afrika qaas ahaan arimaha qaxootiga iyo tahriibayaasha.
Mudane Jabriil Afyare ayaa kala hadlay madaxa xafiiska Qaramada Midoobay ee Dalka Djibouti qaabkii loo wajihi lahaa xaaladda qaxootiga iyo barakacayaasha Soomaaliyeed hadii ay timaado xaalad deg deg. Waxaa kale uu kala hadlay sida loo daryeelo qaxootiga iyo tahriibayaal Soomaaliyeed ee ku sugan Djibouti, qaas ahaan in ay helaan daryeel caafimaad oo la xiriirta COVID-19.
