Lataliyaha Amniga Qaranka Xuseen Macalin oo u waramayey Warbaahinta Qaranka ayaa sheegay in la joogo waqtigii shabaab ay isu-dhiibi lahaayeen dowladda Soomaaliyeed oo horay cafis ugu fidisay kooxaha khawaarijta ee diinta u fahmay sida qaldan.
La taliyaha ayaa xusay in labadii sano ee u dambeysay ciidamada dowladda oo gacan ka hehelay kacdoonka shacabka ay dagaal adag la galeen khawaarijta, isla markaana ay burburiyeen awooddi ay lahaayeen kooxdaasi.
Lataliyaha Amniga Qaranka waxa uu ku taliyay in laga faa’ideysto cafiska madaxweynaha dalka ee ku baaqaya in koxda Al-Shabaab ay hubka dhigaan,isla markaana ay ku biiraan bulshada Soomaaliyeed eek u howlan horumarka dalkooda.
Dowladda Soomaaliya waxaa ka go’an sidii loo ciribtiri lahaa kooxaha nabad-diidka ah,isla markaana dalka loogu soo celin lahaa nidaamka iyo kala dambeyn.
