Lataliyaha gaarka ee Madaxweynaha Soomaaliya mudane Daahir Maxamuud Geelle ayaa Madaxweynaha dalka Algeria Abdelmadjid Tebboune u geeyay fariin uu uga siday Madaxweynaha JFS Dr Xasan Sheekh Maxamuud.
Mudane Daahir Maxamuud Geelle oo casuumaad rasmi ah ka helay Madaxda dalka Algeria ayaa markii uu dhambaalka u geeyay Madaxweynaha kadib waxa ay ka wada hadleen xoojinta xiriirka soo jireenka ah ee ka dhexeeya labada dal.
Labada Mas’uul ayaa sidoo kale ka wada hadlay qadiyadda Gobalka iyo sidii la isaga kaashan lahaa xal u helidda arrimaha ka taagan mandiqadda Gobalka.
Lataliyaha gaarka ee Madaxweynaha Jamhuuriyadda Federaalka Soomaaliya mudane Daahir Maxamuud Geelle ayaa kulanka uu la qaatay Madaxweynaha Algeria Abdelmadjid Tebboune waxaa kaloo ay iskula soo qaadeen xubinnimada guddiga aan jogtada aheyn ee Golaha Ammaaka Qaramada Midoobay oo ay Soomaaliya iyo Algeria qeyb ka yihiin.
