Guddiga Madaxa banaan ee doorashooyinka Qaranka ayaa maanta shahaadooyinka KMG ah gudoonsiiyay ilaa 6 xisbi siyaasadeed oo cusub, kuwaasi oo qeyb ka noqon doona axsaabta siyaasadeed ee dalka, kaddib markii ay buuxiyeen sharuudihii laga rabay.
Xisbiyada KMG ah ee shahaadooyinka la siiyay maanta ayaa kala ah.
1-Xisbiga Qaran,
2-Xisbiga Hor-usocodka shaqaalaha,
3-Xisbiga Dhaq dhaqaaqa,
4-Xisbiga Saanuu,
5-Xisbiga Midnimada,
6-Hugaan Qaran.
Tirada guud ee xisbiyada siyaasadeed ee sida KMG ah uga diiwaan gashan gudiga doorashooyinka Qaranka ayaa hadda ah 63 xisbi, kuwaasi oo gebi ahaanba buuxiyay sharciyaddii ay ku noqon lahaayeen xisbi.
Dowladda Federaalka Soomaaliya ayaa ku howlan sidii guud ahaan dalka looga hirgelin lahaa hanaanka xisbiyada badan, si looga gudbo hannaankii hore ee wax lagu dooran jiray.
