Wasiiru-dowlaha Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Maryama Maxamed Xuseen ayaa furtay munaasabadda xuska todobaadka Naas-nuujinta Adduunka oo maanta oo kale laga xuso Caalamka.
Munaasabadda ayaa waxaa ka qeyb galay Wasiiru dowlaha Wasaardda Qoyska iyo Horumarinta Xuquuqul insaanka, Xildhibaanno, Agaasime waaxeedyada Wasaaradda Caafimaadka, xubno sare oo ka socday Heyโaddaha Caalamiga ah ee ka shaqeeya arrimaha Caafimaadka, Culimaa’udiin, Dhakhaatiir, bahda Caafimaadka, iyo marti sharaf kale.
Xuskan todobaadka ayaa ujeeddadeedu tahay in hooyooyinka lagu dhiirigelliyo iyo in ay nuujiyaan carruurtooda dhawaan dhashay si kor loogu qaado difaacooda jirka, naaska hooyada waxa kujira nafaqo dhameystiran oo ilmuhu ubaahanyahay ilaa uu ka gaarayo 6 da bilood ee ugu horeysa.
Naaska hooyada waxa uu sidoo kale kordhiyaa Garadka carruurta kaas oo ka dhiga ilmaha mid Maskax iyo jir ahaanna u fiyoow, Wuxuu kaloo ka hortaga xanuunada caabuqa ee ku dhaca Neef mareenka Cunaha iyo Dhagaha.
Dr. Maryama Wasiiru-dowlaha Wasaaradda ayaa xoojisay muhiimada ololahaan iyadoo sheegtay in kaliya seddaxdii carruur ee Soomaaliyeed midkood uu helo naas-nuujin lixda bilood ee ugu horeesa noloshooda waxayna dib-u-dhac wayn ku tahay noloshooda hadana lagaaray waqtigii isbeddelku imaan lahaa.
Ugu danbayn Wasiiru-dowlaha Wasaaradda Caafimaadka iyo daryeelka bulshada Dr. Maryama Maxamed Xuseen ayaa tiri hooyo cunugaagu uma baahna waxa aan ahayn naaskaaga oo baraxtiran lixda bilood ee ugu horeysa noloshiisa waana mid uu ilaahay ugu tala galay oo wuu ku filanyahay ee aan u hiilino ilmahayna.
Halku dhigga sanadkan ee ay qaadatey Wasaaradda Caafimaadka iyo daryeelka bulshada XFS ayaa ah โTAAGEER KOR U QAADIDDA NAAS-NUUJINTA, SI ILMA WALBA OO SOOMAALIYEED UU U HELO NAAS NUUJIN KU FILANโ.
