Munaasabadan lagu xusayay sanad guuradii 2-aad ee ka soo wareegatay markii loo asteyeey maalinta Qaran ee Qoxootiga iyo Barakacayaasha Soomaaliyeed oo 2017 uu ku dhawaaqay raiisul wasaaraha Soomaaliya ayaa ka dhacday magaalada Muqdisho,iyadoo ay ka qeybgaleen wasiirka gar gaarka XFS madaxda Hay’adda Qoxootiag iyo barakacayaasha Qaraan iyo mas’uuliyiin kale oo ka socotay wasaaradda arrimaha gudaha,iyo mas’uuliyiin kale.
Xubnihii ka kala socday hay’adaha kaladuwan ee dowladda ayaa siweyn uga hadlay dhibaatooyinka ay qabaan qoxootiga iyo barakacayaasha Soomaaliyeed iyo sidii wax loogu qaban lahaa.
Aaamino Siciid Cali guddoomiyaha Hey’adda Qoxootiga Qaranka iyo Barakacayaasha ayaa ka hadashey baahiyaha loo qabo sidii fursado loogu abuuri lahaa barakacayaasha iyo qoxootiga dalka dib ugu soo laabanaya.
Wasiirka Gargarka Xukuumadda Federaalka Soomaaliya Xamsa Siciid Xamsa ayaa siweyn uga hadlau qorshaha dowladda ee ku aadan maareynta arrimaha qoxootiga iyo barakacayasha Qaranka.
Wuxuu sheegay in nay jiraan dib u dejin loo sameeyey qaar kamid ah barakacayaasha,isagoo tusaale ahaan u soo qaatay Koonfur Galbeed iyo Puntland deegaano kamid ah,waxaana uu xusay in kaalin ay ka qaadan doonaan sidii qorshe loogu sameyn lahaa dadkaasi.
