Kulankaan oo isugu yimaadeen aqoonyahano, odoyaasha dhaqanka, ururrada dhalinyarada iyo haweenka gobolka Hiiraan laguna qabtay magaalada Beledweyne ayaa waxaa looga hadlayay sida ay u taageersanyihiin dhismaha Maamul loo sameeyo bulshada ku nool gobollada Hiiraan iyo Shabeelaha Dhexe.
Ka qeyb galayaashii kulanka ayaa waxaa ay sheegeen inay si aad ah u taageersanyihiin nidaamka dowladda ee ku aadan maamul u samaynta Hiiraan iyo Shabelada Dhexe, waxaana ay tahay mid muhiim ah in bulshada labada gobol ay arrimaha maamul sameynta iska kaashadaan.
Dadkii ka hadlay ayaa yiri “Aad ayaan u soo dhaweynanaa habka ay dowladda u wado qorshaha maamul u samaynta Hiiraan iyo Shabeelada Dhexe, waana labo gobol oo wax soo saar leh”.
Ugu dambayntii waxaa ka hadlay Ugaas Xasan Ugaas Yuusuf oo ka mid ah Ugaasyada gobolka waxaana uu sheegay in dadka Reer Hiiraan looga baahanyahay in ay noqdaan kuwa isku duuban.
