Mamulka degmada dharkeenleey ayaa qalab Isboorti, mid nadaafadeed iyo mid Waxbarasho ka gudoomay mashruuca Danguud, iyadoo guddoomiyaha degmada dharkeenleeyna uu sheegay in qalabkaan wax loogu qaban doona bulshada iyo dhallinyarada degmadaasi ku nool, si loo horumariyo adeegyada bulshada ee Degmadaasi.
Munaasabada qalabkan loogu wareejinayay Maamulka Degmada Dharkeenleey oo lagu qabtay xarunta Degmadaasi ayaa waxaa ka qeybgalay Guddoomiye ku-xigeenka Gobolka Banaadir ee dhanka Arrimaha bulshada, xoghayaha guud ee Gobolka Banaadir qaar kamid ah Guddoomiyaasha Degmooyinka iyo qeybaha kala duwan ee Bulshada, iyadoo intii ay munaasabadda socotay goobta lagu soo bandhigay suugaan iyo Riwaayado ka tarjumaya horumarka Degmada.
Related posts
Guddoomiyaha Degmada Dharkenley Cumar Meyre Macow ayaa uga mahadceliyay Masโuuliyiinta Gobolka Banaadir ee qalabka ku wareejiyay, wuxuuna sheegay in qalabka lasoo gaarsiiyay ay ku wareejin doonaan waaxyaha Degmada, si adeegyada bulshada sare loogu qaado
โMaanta xafladan waxaa ogsoontihiin inay ka soo qeybgaleen Maamulka Gobolka Banaadir guud ahaantiis iyo bulshooyin kala duwan, waxaan halkan ku qabanay munaasabad micno badan mashruuca Danguud ee gobolka Banaadir wuxuu nasoo gaarsiiyay qalab isugu jira qalab nadaafdeed, mid waxbarasho, mid caafimaad iyo mid Isboorti, afatraas qeyb oo bulshada aasaaska u ah ,waxaan helnay 300 oo cayaartooy qalab loogu talagalay oo ka kooban jaakado, fanaanado. saraawiil iyo banooniyaal, kuwaasi oo isugu jira kolleyga iyo kubadda cagta sidookale saddex iskuul qalab loogu talagaly ayaa nalaoso gaarsiiyay oo qalimaan iyo buug isugu jira, waxaana guddoonsiineynaa saddexda Iskuul eek ala ah badbaadi 1 ,badbaado 2 iyo Iskuulka dhame Yaasiin Cartan oo dowladdu ay leedahay, sidookale saddex sariir oo ah kuwa umulinta loogu talagaly ayaan helnay waxaana ku wareejineynaa xarunta hooyada iyo dhallaanka ee degmada Dharkenleeyโ ayuu yiri Guddoomiyaha.
Gabagabadii munaasabada ayaa waxaa ka hadlay Gudoomiye ku-xigeenka Gobolka Banaadir ee dhanka arrimaha bulshada Mudane Iimaan Nuur Iikar oo amaanay horumarka ay degmadu ku talaabsatay ee dhinacyada amniga iyo adeegyada bulshada.
