Maamulka Degmada Kaaran oo uu horkacaayo Guddoomiyaha Degmada Abshir Maxamed Maxamuud (Abshir Kaaran) ayaa howlo nadaafadeed oo bilicda lagu soo celinayo ka fuliyay degmadaasi.
Guddoomiye Abshir Karaan ayaa ugu baaqay shacabka Degmada Karaan in ay ka qeyb qaataan olollaha nadaafdeed oo ay ka wadaan xaafadaha kala duwan ee Degmada, si loo soo celiyo bilicdii ay degmadu lahayd.
Howlwadeenada Degmada Kaaraan ayaa ka qeyb qaatay Ololaha lagu nadiifinayo laamiyada Degmada, ayna ka go’antahay sidii dib loo soo celin lahaa bilicdii ay lahayd magaalada.
Guddoomiyaha Degmada Abshir Maxamed Maxamuud (Abshir Kaaran) ayaa tilmaamay inay dardar gelin doonaan howlaha nadaafadeed ee lagu soo celinayo bilicda magaalada Muqdisho.
