Maamulka Degmada Shangaani, shirkada nadaafadda Gobolka Banaadir ee ECCO iyo qaar ka mid ah bulshada ku nool degmada ayaa shir ay ku yeesheen Xarunta degmada waxey uga hadleen horumarinta Nadaafadda degmada.
Guddoomiyaha Degmada Shangaani, Sahra Sheekh Maxamed Amiin ayaa ka codsatay Shacabka in si wada jir ah looga shaqeeyo arrimaha nadaafadda si bilicdeedu dib ugu soo noqoto .
Guddoomiyaha ayaa sheegtay in Nadaafadda oo laga shaqeeyo ay ka hortag utahay Cuduro badan oo ka dhasha Nadaafad la’aanta, waxeyna bulshada kula dardaarantay iney ka qayb qaataan Bilicda deegaanka.
Shirkaan ayaa ugu dambayn waxaa ka soo baxay natiijo wax ku ool ah oo faa’iido weyn ay ugu jirto bulshada ku dhaqan Degmada Shangaani.
