Maamulka Degamda Warshiikh ee gobolka shabeelaha dhexe ayaa ugu baaqay dadka walaalaha ah ee ku dagaalamaya tuulooyinka Muungaab iyo Gumaroow in ay si deg deg ah ku joojiyaan xabada, ayna ogaadaan in dagaal uu wiil ku dhinto, uusan wiil ku dhalan soomaaliyana ay xiligaan ka soo daashay dagaalo ahli ah.
War-saxaafadeed ka soo baxay xafiiska Guddoomiyaha degmada Warshiikh Axmed Xuseen Axmed (Shiidka) ayaa lagu sheegay in mar waliba ka goโantahay ka shaqeynta nabadaynta iyo dib-u-hishiisiinta dadka degan tuulooyinkaas ee ay dirirta ka dhacday, lagana codsaday inay aqbalaan gogosha dib-u-heshiisiineed oo uu ku dhawaaqay Maamulka Dagamada, isagoo la kaashanaya Culumuโidiinka Deegaanka, Dhaqanka, Aqoonyahanada, Maamulka heer Gobol iyo Wasaaradda Arrimaha Gudaha iyo Federaalka ee Xukuumadda Soomaaliya.
Related posts
Guddoomiye Siidka ayaa yiri โWaxa uu maamulka Dagamada Warshiikh aad uga xunyahay wararka ka baxay qaar ka mid ah warbaahinta gudaha kaasoo ah kuwa aan dhiirgalinaynin nabada iyo dib u hishiisiinta dadka walaahah ah ee khilaafka u dhaxeeya. Waxa uu maamulka Degamda Warshiikh uga digayaa Dadka sheeganaya masโuulliyiin dhaqan iyo siyaasiyiin in ay ka joogaan wararka la siyaasadeeyay ee gaas iyo dab ku sii shidaya khilaafka dadka wada dhashay. Waxaan heyโadaha amniga iyo garsoorka ee heer Gobol iyo heer Qaran ย ka codsanayaa in ay cadaalada horkeenaan dadkaasi afka ku hurinaya colaadaha degmada Warshiikh. Waxaana sidoo kale dhammaan dadka ka soo jeeda deegaanada dirirta ka dhacday ugu baaqayaa in ay kaalin nabadeed ka qaataan xasalinta iyo nabadaynta dadkaasi walaalaha ahโ.
Guddoomiyaha ayaa markale ku baaqay in walaalaha ku dagaallamay tuulooyinka Muungaab iyo Gumarrow ee Degmada Warshiikhย ay joojiyaan hulufka colaadeed kana shaqeeyaan nabada iyo xasiloonada deegaaanadooda.
ย
