Maamulka degmada Xamar weyne oo kaashanaya shacabka ku dhaqan afarta waax ee ay ka koobantahay Xamar weyne ayaa maanta bilaabay olole nadaafadeed oo ay dib ugu soo celinayaan bilicda caasimadda, kaasi oo qeyb ka ah tartanka degmooyinka ay ugu jiraan dhanka nadaafadda.
Guddoomiye ku-xigeenka arirmaha bulshada ee degmada Xamar weyne Maxamuud Cali Xasan ayaa tilmaamay in ololahan nadaafadeed uu yahay mid la doonayo in lagu soo celiyo bilicdii ay lahayd degmada, isagoo shacabka ka codsaday inay ka wada qeyb qaaataan bilic soo celinta caasimadda.
Guddoomiyaha Degmada Xamar weyne Cabdiqaadir Maxamed Cabdiqaadir ayaa xusay in olohan nadafadeed uu qeyb ka yahay tartanka Degmooyinka gobalka ay ugu jiraan bilic soo celinta caasimadda, ee uu dhawaan ku dhawaaqay guddoomiyaha gobalka Banaadir ahna duqa magaalada Muqdisho Xasan Maxamed Xuseen.
Ugu danbeynti guddoomiyaha Degmada Xamar weyne ayaa qalab xafiised ku wareejiyay Dugsiga Hoose, Dhaxe iyo Sare ee Dheere Xaaji Dheere ee Degmada Xamar weyne kuwaasi oo horey maamulka uga codsaday in lagu caawiyo qalab xafiiseed.
