Degmada Xudur ee gobolka Bakool oo tan iyo markii ay la wareegtay Dowladda sameeneysay horumaro badan oo dhinacyada ammaanka iyo Ganacsiga ayaa hadda waxaa ka bilowday dib u dhiska waddooyinka ay xireen Qashinka iyo Dhirta.
Guddoomiyaha Howlaha Guud iyo Dib Udhiska Degmada Xuddur C/risaaq Isaaq Saajin oo la hadlay Warbaahinta Qaranka ayaa sheegay in qorshahaan ay wax badan ka tari doonto bilicda Magaalada, isku socodka ganacsiga iyo Gaadiidka.
Gudoomiye C/risaaq Saajin ayaa sheegay in hadda ay dib u fureen ilaa Seddex-waddo oo dhexmara Xaafadaha iyo tuulooyinka ku dhow dhow degmada Xudur ee gobolka Bakool.
Maamulka ayaa sidoo kle waxa uu shegey iney wadaan mashaaricyo ay Ku horumarinayaan Ceelal biyooodyo ay yeelato degmada, isaga oo intaasi ku daray in haddaleedahay Isbitaal dabooli kara baahida Caafimaadka ee Bulshada.
Dib u dhiska Waddooyinka ayaa qeyb ka ah dadaalo uu wado Maamulka gobolka Bakool oo degmooyinka gobolka dhan looga hirgalinayo Waddooyin si loo sahlo isku socodka Gaadiidka iyo Dadweynaha.
