Munaasabad lagu daahfuryay xarun cusub oo ay ku shaqeeynayaan Maamulka Degmada Xudur ayna ka qaybgaleen qaybaha bulshada, Maamulka Degmada ayaa lagu qabtay xarunta maamulkaasi.
Xafladda oo ay soo qaban qaabiyeen maamulka Degmada Xudur ayaa qeybaha bulshada oo goobta hadal kooban ka jeediyay waxa ay maamulka degmada ku booriyeen dadaalka uu u galay in la helo xarun ay ugu adeegaan bulshada degmada iyo deegaannada kale ee ku xeeran.
Guddoomiye ku-xigeenka Degmada Xudur ahna guddoomiyaha Guddiga qaban qaabada xafladda Aadan Cabdi Abaareey ayaa sheegay in xarunta cusub ay noqon doonto mid loogu adeego bulshada.
Guddoomiyaha degmada Xudur Maxamed Macalin Axmed ayaa sheegay in dhismaha xarunta ay gacan ka geysteen qeybaha bulshada, waxaana uu intaa ku daray in maamulka degmada ay ka go’antahay horumarinta adeegyada aas aasiga u ah bulshada.
