Maamulka Degmada Xudur ee Gobalka Bakool ayaa wada qorshe lagu hormarinayo laguna dhisayo Iskuulo Waxbarsho oo ay yeelato Degmada si-ay uga faa’iideystaan Ardayda u baahan inay aqoontooda kor u qaadaan.
Guddoomiyaha xafiiska dib-u-dhiska iyo horumarinta maamulka Degmada Xudur C/risaaq Isaaq Saajin oo Radio Muqdisho wareysi gaar ah siiyay ayaa sheegey iney wadaan howlaha horumarineed ee Degmada iyagoo kaashanaya hay’adaha ku shaqo leh.
“Waxaan wadnaa Qorshe balaan kaas oo aan ugu tallogalnay in aan ku balaarino Waxbarashada Degmada Xudur sababtoo ah waxey Degmadu kaliidataa dhanka Waxbarashada mardhowna waxaa billaabi doonaa arrintaas” sidaas waxaa yiri C/risaaq Isaaq Saajin.
Guddoomiye C/risaaq ayaa sidoo kale sheegey iney wadaan dib u dayactir ay ku sameynayaan Wadooyinka qaar ee soo gala Degmada, meelaha qaar ayaa ladhagax dhigay si loo horumariyo adeegyadda aasaasiga ah ee ay Bulshadda u baahantahey.
Ugu dambeyn Guddoomiyaha ayaa xusey in waxkasta oo hormarin ah oo uu xafiiskisa ku guuleystey ay qeybkatahay Amniga Degmada oo ay ka shaqeeyeen hay’adaha Amaanka oo kaashanaya Shacabka Deegaanka.
