Maamulaha dugsiga Hoose, dhexe iyo Sare ee Banadir zone Cabdullaahi Maxamed Nuur ayaa sheegay in sanadkan ay dugsiga ku soo kordhiyeen koorsooyin cusub oo dhanka waxbarashada oo loogu talaglay in sare loogu qaaado tayada aqoonta ardayda wax ka baratada Banaadir Zone.
Cabdullaahi Maxamed Nuur oo u waramay Warbaahinta Qaranka ayaa tilmaamay in koorsooyin hor leh ay soo kordhiyeen, ayna caawiyaan carruurta agoonta ah ee aan waalidiintooda awoodin inay geeyaan goobaha waxbarashada ee sida gaarka ah loo leeyahay, si ay u dhiiri geliyaan waxbarashadooda.
Maamulaha dugsiga Hoose, dhexe iyo Sare ee Banadir zone ayaa ugu dambeyntii sheegay in arday badan ay dhigtaan dugsiyada banaadir Zone, kuwaasi oo uu ku tilmaamay in ay marayaan heerar kala duwan, waxaana uu ardayda kula dar daarmay inay waxbarashadooda ay sii wataan.
