Agaasimaha Xiriirika Dibedda ee Maamulka Gobolka Banaadir, Mudane Maxamed Xasan Maxamed, ayaa maanta Garoonka Diyaaradaha ee Aadan Cadde ku soo dhaweeyay mas’uuliyiinta ugu sarreyso hey’adda Safa vakfi, kuwaas oo Maamulka Gobolka Banaadir iyo Dawladda Hoose ee Muqdisho ay ka wada shaqeyn doonaan dhismaha xarumo Waxbarasho.
Maamulka Gobolka Banaadir iyo Hay’adda Safa ayaa iska kaashan doona mashruuc dhisme Iskuul oo ay si bilaash ah uga faa’ideysan doonaan illaa iyo 500 oo arday agoon iyo danyar isugu jiro, ayna kafaala qaadi doonto hay’addu mas’uuliyaddooda illaa iyo muddo soddon sano ah.
