Shirka Gudoomiyaasha Degmooyinka Gobolka Banaadir ayaa galabta lagu qabtay xarunta Dhallinyarada Gobolka kaasi oo uu shir Gudoominayay Gudoomiyaha Gobolka Banaadir ahna Duqa Casimadda Muqdisho Cumar Maxamuud Maxamed (Cumar Filish) ayaa waxaa looga hadlay ololaha canshuur ururinta, furitaanka wadooyinka muhiimka ah si ay shacabka ugu fududaato adeegyadooda.
Shirka waxaa kaloo looga hadlay dardar galinta Nadaafadda magaalada iyo xoojinta Amniga.
Afhayeenka Maamulka Gobolka Banaadir Saalax Xasan Cumar ayaa sheegay in qorshe guud laga leeyahay bilic soo celinta caasimadda iyo dib u furista waddooyinka ku xirmay dhismayaasha sharci darrada ah.
