Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eg.Yarisow) oo la kulmay bulshada degmada Dharkinley ayaa sheegay in la dardargelinayo qrosheyaasha lagu xoojinayo horumarka, dariseynta iyo bilicda degmada.
Guddoomiyaha ayaa ku dhiirigeliyey bulshada ku dhaqan degmada Dharkinley sida ay ugu mideysan yihiin horumarka iyo ka shaqeynta danta guud, kaalinna ay uga qaadan lahaayeen barnaamijka isxilqaan ee muhiimka u ah dib-u-dhiska Caaasimadda.
Eng.Yarisow ayaa adkeeyey muhiimadda ay leedahay doorka ay ka qaadanayaan shacabku sugidda amniga iyo ka hortagga falalka gurracan ee argagixisadu ay u maleegayaan muwaadiniinta, iyadoo wada-shaqeynta bulshada iyo hay’adaha amniga ay horseeday in gacanta lagu soo dhigo dhagarqabayaal shirqoolo u maleegayay shacabka.
Guddoomiyaha Gobolka Banaadir ayaa faray Maamulka Cusub ee dhowaan loo soo magacaabay Degmada Dharkinley kor u qaadidda bilicda degmada, xaqiijinta qorsheyaasha horumarineed iyo ilaalinta fayo dhowrka.
Duqa Muqdisho Mudane Cabdiraxmaan Cumar Cusmaan (Eng. Yarisow) ayaa u rajeeyey Maamulka cusub ee degmada Dharkinley in ay ku guuleystaan shaqooyinka baxaadda weyn ee horyaalla, isagoona xusuusiyey in si dhow loogu la xisaabtami doono masuuliyadda loo igmaday.
