Guddoomiye Ku-xigeenka Amniga iyo Siyaasadda Maamulka Gobolka Banaadir Mudane Maxamed Axmed Diiriye (Yabooh) oo ay wehliyaan Xoghayaha Guud ee Gobolka Banaadir Mudane Feysal Caraale Afrax iyo qaar ka mid ah Agaasimeyaasha Gobolka Banaadir, ayaa kulan wadatashi la qaatay Ergeyga Madaxweynaha JFS u qaabilsan Arrimaha Wadahaddalada Somaliland Mudane Cabdikariin Xuseen Guuleed.
Kulankaan Maskax-shiilka ahaa oo horudhac u ah kulamo Wadatashi oo uu Ergeyga la yeelanaayo qeybaha kala gedisan ee Maamul Goboleedyada dalka, Aqoonyahanada iyo Qeybaha Bulshada, ayaa waxa ay Maamulka Gobolka Banaadir soo bandhigeen Talooyin iyo Fikarado ku aadan qaabka loo wajahaayo Wadahadalada Somaliland iyo Soomaaliya.
Guddoomiye Ku-xigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh) oo madasha ka hadlay ayaa sheegay in Maamulka Gobolka Banaadir uu ku gacan siin doonno Ergeyga Madaxweynaha JFS u qaabilsan Wadahaddalada Somaliland ka mira dhallinta isku keenida walaalaha Soomaaliyeed.
