Maamulka Gobolka Banaadir iyo Dowladda Hoose ee Xamar, ayaa Magaalada Muqdisho ka wada u diyaar garowga Todobaadka Xorriyada Soomaaliya ee 26-ka june iyo 1-da Luulyo.
Agaasime Kuxigeenka Waaxda Howlaha Farsamada Maamulka Gobolka Banaadir Mudane Bashiir Shuumbe Shuute iyo howl-wadeeno ka tirsan waaxda ayaa maanta shaqooyin ka qabtay qeybo ka mid ah waddooyinka waa weyn ee dhexmara Degmooyinka, Waaberi, Howlwadaag, Xamarweyne, Shangaani iyo Boondheere.
Sidoo kale waaxda waxa ay shaqooyin ka qabatay goobaha taariikhiga sida Taalooyinka ku yaala Caasimadda, iyadoona Bulshada ugu baaqay in ay ka qeyb qaataan u diyaar garowga Maalmaha Xorriyadda Soomaaliya.
