Maamulka gobolka Gedo iyo sidoo kale Mas’uuliyin ka tirsan Wasaaradda caafimadka heer gobol ayaa maanta kulan ay ku yeesheen Degmada Luuq waxa ay baaq ugu direen Wasaaradda caafimadka dowlada Federaalka Soomaaliya in ay soo gaarsiiso agabyo caafimaad oo loogu talagalay in lagu baaro cudurka COVID-19 Degmooyinka Gobolka Gedo ee ku yaala Xaduudaha Wadamada Itoobiya iyo Kenya sida gobolada kale ee dalka.
Gudoomiye Ku xigenka Gobolka Gedo Cismaan Nuur Xaaji ayaa ugu baaqay dowladda Federaalka Soomaaliya in gobolka Gedo ay ka jirto Baahi loo qabo agabka caafimaad ee Lagu Baaro cudurka Coronavirus, maadama Degmoyinka Baladxaawa, Dolow, Ceelwaaq iyo Luuq ay ku yaalaan Xaduudaha wadamada Itoobiya iyo Kenya oo labaduba dagaal xoogan kula jira sidii ay u xakameyn lahaayeen Cudurkan COVID-19.
“Waxaan dowladeena ka codsaneynaa inay noo keento qalabkii aan ku baari laheyn dadka looga shikiyo cudurka ama looga hortago, madaama aan xuduud la wadaagno dalalka dariska ee laga helay cudurka safmareenka ah ee COVID-19.” Sidaa Waxaa jiri Gudoomiye Ku xigenka Gobolka Gedo Cismaan Nuur Xaaji
Wasaaradda caafimaadka dowladda Soomaaliya ayaa dhawaan shaacisay in dhamaan kisaska Cudurka COVID-19 ee laga helay dalka ay gaarayaan 7, hase ahaase qofka mid ah uu ka bogsooday lana sii daayay.
