Maamulka Gobolka Gedo, kan Degmada Luuq ayaa ugu baaqay inay wax ka qabtaan buundada Degmada Luuq oo laga cabsi qabo in ay burburto.
Buundada Degmada Luuq ee Gobolka Gedo waxa ay laf dhabar u tahay isu socodka bulshada iyo gaadiidka mara ee ka yimaada magalada Muqdisho caasimadda dalka, kuwasi oo u kala goosha Degmoyinka Gobolka Gedo ee ku yaala xuduudaha iyo Dalalka aynu dariska nahay ee Kenya iyo Itoobiya waxaana maalinba maalinta ka danbaysa ay sii galaysaa marxalad aad u adag xili laga cabsi qabo in gabi ahaanba ay bur burto, Maadaama ay dumeen tiirarka difaaca u ahaa Buundada .
Maamulka Gobolka Gedo iyo kan Degmada Luuq ayaa manta kormeer ku tagay buundada, iyagoo u kuur galay xaaladda buundada Degmada Luuq.
Guddomiyaha Degmada Luuq Ibraahin Maxamd Nuur ayaa shegay in buundadan ay u baahan tahay wax qabad xoogleh, waxana uu ugu baaqay Dowladda Federalka in ay wax ka qabato buundada.
Guddoomiye ku xigenka Gobolka Gedo ahna kusimaha Guddoomiyaha Gobolka Gedo Cisman Nuur Xaaji Macalimu ayaa dhankiisa ugu baaqay madaxda Qaranka iyo sidoo kale ganacsatada deegaanka in loo istaago sidii wax looga qaban lahaa Buundada kahor inta aysan bur burin, una baahan in lagu sameeyo dib u dayactir xooggan.
Maxamed Kaafi
