Guddoomiye ku xigeenka Amniga iyo Siyaasadda Gobolka Hiiraan Mudane Cabdiraxiin Muxumed Taakooy, ayaa xarigga ka jaray Saldhig Boolis oo laga hirgeliyay magaalada Baladweyne ee xarunta Gobolka.
Saldhiggan oo laga hirgeliyay Xaafadda Howl-wadaag ee magaalada Baladweyne ayaa saddexdii bil ee ugu dambeysay waxaa ku soconayay dhismo iyo dayactir ay ka wadeen howl-galka AMISOM iyo Maamulka Gobolka Hiiraan.
Guddoomiye ,Taakooy, ayaa ugu mahad celiyay AMISOM iyo Dadka degaanka oo gacan ka geystay taabagelinta howshan, wuxuuna sheegay in ay soo dhoweynayaan sida habsamida leh ee ay shaqadu kusoo dhamaatay, wixii haatan ka dambeeyana ay shacabka siin karaan adeegyo tayo leh.
โWaxaan ku faraxsannahay in shaqada dayactirka la dhammeystiray iyadoo wixii hadda ka dambeeyana ay Saraakiisheenu siin karaan adeegyo tayo leh dadka Degaanka,โ ayuu yiri Guddoomiye Taakooy.
Wuxuu sheegay in ay magaaladu si dhaqsa ah u fideyso, horayna ay u lahayd oo keliya hal Saldhig oo ku yaalla Xaafada Kooshin, Kororka Bulshada awgeedna loo baahan yahay Saldhigyo kale.
Isku duwaha Booliska AMISOM, ee arrimaha dib u dhiska, Maxwell Chikunguru, ayaa sheegay in howlaha dib u dhiska iyo dacay-tirka ah ee ay wadaan ay mudan tahay in lagu taageero, si loo soo celiyo tayadii Booliska Soomaaliyeed.
