Wafdigaan oo uu hogaaminayay gudoomiyaha Gobalka Mudug Ee Galmudug
C/raxmaan Cali diiriye Isxal oo ujeedka socdaalkoodu uu ahaa mid la
xariira intiisa badan dhanka amniga iyo nabad Galyada deegaanada
gobalka mudug qaarkood kuwaas oo mudooyinkii u danbeeyay ay ka soo
cusboonaadeen dhacdooyin saameeyn ku yeelan kara amniga iyo dib
uheeshisiintii ka dhaqan gashay magaalada Galkacyo tan iyo wixii ka
danbeeyay dabaayaaqadii bishii decembar sanadkii 2016 ayaa gaaray
deegaanka Afbarwaaqo oo ka mida deegaanada ay wali ka muuqanayaan
raadadkii foosha xumaa ee ay reebeen colaadihii iyo dagaaladii ka
dhacay deegaanada gobalka mudug qaarkood
Masuuliyiintaan ka tirsan Galmudug ayaa markii ay gaareen deegaankaasi
Afbarwaaqo waxaa halkaasi kusoo dhaweeyay maamulka iyo waxgaradka
deegaankasi waxaana soo dhaweeyn ka dib ay kormeer guud ku sameeyeen
xaalada ay ku nool yihiin bulshada deegaankaasi iyo saameeynta ay ku
reebeen colaadaha iyo dagaalada
Related posts
Gudoomiyaha deegaankaasi C/llaahi Jaamac dhoore ayaana warbaahinta
qaranka uga waramay dhibaatooyinka la xariira adeegyada aas aaska u ah
nolasha bulsho meel ku nool waxaana uu sheegay in gabi ahaanba
deegaanka aysan ka shaqeyn xarumo waxbarasho kuwa caafimaad oo kaafin
kara baahida bulshada ku nool deegaanka af barwaaqo waxaa sidoo kale
uu sheegay in xaalado biyo la’aaneed ay ka jiraan halkaasi ayna
codsanayaan in laga caawiyo
C/risaaq cabdulle Guuleed oo ka mida qurba joogta soomaalida ee dalka
dib ugu soo laabtay isla markaana ka saaciday maamulka deegaankaasi
dhismaha labo xaruumood oo uu xiligan maamulka deegaankaasi uu ku
shaqeeyo ayaa ku booriyay bulshada afbarwaaqo in ay ku dadaalaan ka
shaqeynta amniga iyo nabad galayada oo uu tilmaamay in la aantood
aysan waxba usuurta galeyn isagoo sidoo kalana sheegay in looga baahan
yahay isku tashi in ay wax ku dhistaan
C/raxmaan Cali Diiriye Isxal gudoomiyaha Gobalka mudug ayaa isna
sheegay in ujeedka socdaalkoodu uu yahay mid ay doonayaan in bulshada
ku nool deegaanada iyo dhulka miyigaa ee ku yaala dhanka waqooyi bari
Gobalka mudug ay kaga codsanayaan in laga wada shaqeeyo amniga iyo
daris wanaaga maadaama xiligaan maamulada puntland iyo Galmudug ay
diyaar u yihiin joojinta wax kasta oo dib usoo celin kara colaad iyo
dhibaato hor leh
W/Q Wariye Cabdirisaaq Maxamed Axmed (Galkacyo)
