Related posts
Kulanka hore Ayaa Madaxweynaha Dowlad Goboleedka Hirshabelle Mudane Maxamed Cabdi Waare iyo Wafdiga la socda waxay ay kulan la qaateen Qeybaha kale duwan Heyโadaha Qaramada Midoobay ee isugu jira kuwa horumarinta iyo kuwa samafalka, waxaana ay ka wada hadleen sidii heyโadaha ay uga qeyb qaadan lahaayeen horumarinta iyo caawinta Dadka reer Hirshabelle oo dhibaatooyin kale duwan oo abaarta ay ugu weyntahay aynan ka soo kabsan.
Madaxweynaha Dowlad Goboleedka Hirshabelle ayaa si qoto dheer sharaxaad uga siiyay Heyโadaha baahida ka jirta Dowlad Goboleedka iyo sida lagama maarmaanka ay u tahay baahiyahaasi in laga qeyb qaato sidii looga jawaabi lahaa, waxaana uu kaga mahadceliyay howlaha dalka ay ka hayaan.
Madaxda Heyโadaha kale duwan ee Qaramada Midoobay ee uu kulanka la qaatay Madaxweynaha ayaa balanqaaday in deeganada Hirshabelle ay ka fulinayaan dhowaan mashaariicyo horumarineed oo hadaba diyaar ah,ย sidoo kalena deeqo gar gaar ah ay gaarsiin doonaan dadka ay saameynta ku yeesheen abaarihii ugu dambeeyay ee ku dhuftay koonfurta Soomaaliya.
Dhinaca Kale Madaxweynaha Dowlad Goboleedka Hirshabelle Dr Maxamed Cabdi Waare ayaa Kulan kula qaatay Xarunta Ciidamada Midowga Africa ย ee Xalane Saraakiisha ugu Sareysa ย AMISOM, waxaana ay ka wada hadleen arrimaha Amniga deeganada Maamulka iyo sidii AMISOM ay uga qeyb qaadan laheyd xaqiijinta amniga.
Sidoo Kale Madaxweyne Waare ayaa muujiyay wel welka ay ku heyso Wadooyinka Xiran iyo Goโdoominta Kooxda Argagaxisada Al Shabaab Ay ku hayaan dadka Masaakiinta ee ku nool deegaanno ka mid ah Hirshabelle, waxaana uu kala hadlay Saraakiisha AMISOM, sidii looga qeyb qaadan lahaa in dadkaasi laga dulqaado cadowga oo la furo wadada isku xirta Muqdisho iyo Beledweyne si dadka fursad ay ugu helaan in la gar gaaro maadaama dadkaasi ay yihiin kuwa ku nool xabsi kor feedan.
