Kulan looga hadlayay dardargelinta howlaha shaqo ee wasaaradda Kalluumeysiga iyo Kheyraadka Badda Soomaaliya uuna soo qaban qaabiyay Xafiiska maamulka iyo shaqaalaha ee wasaaradda ayaaa lagu qabtay Muqdisho,waxaana ka qeybgalay mas’uuliyiinta iyo shaqaalaha wasaaradaa.
Intii uu socday kulankaasi ayaa lagu soo bandhigay talooyin iyo fekrado ku aadan sidii loo heli lahaa wadiiqooyin sahlaya xoojinta iyo dardargelinta howlaha shaqo ee wasaaradda,iyadoo laga duulayo hannaanka shaqada iyo shaqaalaha ee wasaaradda.
Sidoo kale waxaa kulankaasi lagu soo qaatay waajibaadka shaqada iyo xuquuqda shaqaalaha,iyadoona lagu soo bandhigay habka xaadirinta suulka ee (finger-printing) taasi oo hab casri ah,oo lagula socon doono xogta shaqaalaha .
Agaasimaha maamulka iyo maamliyadda ee wasaaradda mudane Guuleed Maxamed Ibraahim oo madasha ka hadlay ayaa shaqaalaha wasaraadda kula dardaarmay in qof walba oo shaqaaleka ah wasaaradda uu ilaaliyo waajibaadkiisa shaq, iyadoo isna la ilaalinayo xuquuqdiisa .
Gaba-gabadii kulanka ayaa waxaa la isku afgartay in dhamaan shaqaalaha iyo agaasimayaasha waaxaha wasaaraddda ee ka soo qayb galay madashan ay si wadajir ah loogu adeego Qaranka.
