Maareeyaha Hay’adda Aqoonsiga iyo Diiwaangelinta Qaranka mudane Cabdiweli Timacadde ayaa Xarunta hay’adda waxaa uu kulan gaar ah kula qaatay Guddiga Rugta ganacsiga Soomaaliya.
Maareeyaha ayaa kulankaan kula wadaagay Guddiga rugta ganacsiga Nidaamka Bixinta kaarka aqoonsiga dadweynaha kaasi oo dhawaan si rasmi loo bilaabi doono diwaan galinta Muwaadiniinta Soomaaliyeed iyo dadka sida sharciga ah ku jooga dalkeenna.
Maareeyaha Hay’adda Aqoonsiga iyo Diiwaangelinta Qaranka mudane Cabdiweli Timacadde ayaa tilmaamay in Hay’adda NIRA ay hirgalinayso nidaam loo dhan yahay si fududna lagu wada heli karo. Isaga oo xusay in Kaarka Aqoonsigu uu wax wayn ka tari doono horumarinta dhaqalaha dalkeena.
Guddoomiyaha Rugta Gancsiga Soomaaliya Mudane Maxamuud Cabdikariim Gabayre ayaa tilmaamay inay aad ugu taamayeen nidaamka Aqoonsiga ee Hay’adda Diiwaangalinta dadweynaha. Wuxuuna sheegay in Ganacsatada Soomaaliyeed baahi wayn ay u qabaan helitaanka Kaarka Aqoonsiga dadweynaha si nidaam sharci ah dunida ugula macaamilaan Ganacsigooda.
Kulanka markii uu soo dhammaaday kadib dhammaan xubnaha Rugta Ganacsiga ayaa si rasmi ah loo diiwaangaliyay si ay u helaan Kaarka aqoonsiga Qaranka.
