Saadaasha dhawaan ay soo saartay Madasha Aragtida Cimilada Qaranka Soomaaliyeed (SNCOF) oo ay ku bahoobeen Wasaaradaha kala ah Wasaaradda Biyaha, Wasaaradda Beeraha, Wasaaradda Xoolaha, Hay’adda Maareeynta Musiibooyinka oo soo baxday 12 September 2022, waxay tilmaameysaa in ay dhici karto in roobabka Dayrta (Oktoobar- Diseembar) ay noqdaan kuwa ka hooseeya caadiga guud ahaan dalka sida ku cad jaantuska 1aad.
Guud ahaan, suurtogalnimada roobabka caadiga ka hooseeya waa 80% boqolkiiba koonfoorta oo dhan. Halka ay qayba kamid ah Waqooyiga ay roobabku ka hooseeyaan 50% boqolkiiba. Saadaashu sidoo kale waxa ay muujineysaa oo laga yaabaa in heerkulku kordho oo uu ka diirranaado isku celceliska heerkulka caadiga ah ee Soomaaliya sida ku cad jaantuska 2aad. Natiijo ahaan, ayado markii shanaad ay guuldareysteen roobabka xilliga Guga iyo Dayrta ayaa waxaa jiri karta khatar kordhaysa oo saameyneysa dad iyo duunyo.
