Wafdi ka socda Dowladda Hoose ee Xamar oo uu hoggaaminayo Agaasimaha Xiriirka Dibadda iyo Hey’adaha Caalamiga Maamulka Gobolka Banaadir Mudane Maxamed Xasan Maxamed, ayaa gaaray dalka Sweden, gaar ahaan Magaalada Bollnäs, iyaga oo kulan gaar ah la qaatay duqa magaalada Bollnäs Mudane Cabdullaahi Cadaan iyo Ku-xigeenkiisa.
Kulanka ayaa looga hadlay arrimo ay ka mid yihiin, iskaashiga labada magaalo ee Muqdisho iyo Bollnäs ee dhinacyada Qorsheynta magaalada, helida Muqdisho Cagaaran, si loogu hortago waxyeelada Wasaqowga hawada iyo Isbedelka cimilada, Maareynta qashinka iyo tababarida xoogsatada kalluumeysiga, si loogu faa’iideysto kheyraadka iyo wax soo saarka dalka.
Muqdisho ayaa sanadba sanadka ka dambeeyo aheyd mid soo korayso,Hormaro lataaban karane ku tillaabsatay,Waxaa Magaalada ay noqoto magaalo lamid ah maagaalooyinka Caalamka.
