Kulanka oo ka qabsoomay Xarunta Maamulka Gobalka Mudug ee Galmudug ayaa waxaa yeeshay Saraakiil ka socatay Hay’addaha Qaramada Midoobay iyo Masuuliyiin ka tirsan Galmudug oo isugu jiray Heer Wasiir Heer Gobal iyo Heer Dagmo
Kulankaan oo uu shir gudoominayay Wasiiru-dowlaha Wasaaradda Arimaha Gudaha Galmudug Cumar Maxamed Diiriye oo ay wehliyeen Guddomiyaha Gobalka Mudug Cabdinaasir Cabdulqaadir Cabdille Gudoomiye Ku-Xigeenka Gobalka ee Arimaha Samafalka iyo Mashaariicda Dr Badal Sheekh Liibaan Maxamed Maayar Ku-Xigeenka Dagmada Galkacyo Maxamed Cabdi Cilmi Agaasimaha Guud ee Wasaarada Gargaarka Galmudug Maxamed Cabdullaahi Cali ayaa labada dhinac ku yeesheen Xog is wareysi ku aadan hanaan socodka Arimaha Samafalka iyo Gargaarka iyo Caqabadaha Jira iyagoo ku dheeraaday sida loo sii dardar galin karo arimaha Samafalka iyo Xoojinta la dagaallanka Musuq Maasuqa
Kulanka ayaa waxaa ka soo baxay qodobo labada dhinac ay u wada garteen in si wanaagsan loo gaarsiin karo Gargaarka iyo Samafalka heerka loogu tala galay
Ugu danbeyna Madaxda Dowlad Gobaleedka ee Shirka garwadeenka ka ahaa ayaa uga Mahadceliyay Hay’addaha Qaramada Midoobay sida ay mar kasta u garab taagan yihiin Bulshada qaba baahiyaha Gaarka ah
